［吸走13億皮脂的火山泥！EVER Volcanic Ash Pore Mask 火山泥毛孔清潔面膜］
唔怕神一樣的油脂，只怕豬一樣的深層清潔！想當年瘋瘋都係一隻任人劏的無知小羔羊，誤信inn甩sfree 個火山泥面膜好好用，最後毛孔係就係乾淨咗，但塊面就乾到樹皮咁鞋，敷完媽屎第二日都仲標面油！果陣仲比sale屎姐姐用promote唇利誘，一炮過買咗三個！唉，仲兜豬過比人呃買瑞士山區肺⋯
自此之後，瘋瘋聽見火山泥呢三個字都怕怕。所以上個月EVER send咗個火山泥毛孔清潔面膜嚟比我試用，我都猶豫咗一下撻唔撻上塊面！但正所謂喺邊度跌低，就喺邊度企返起身！所以最後我都係決定征服火山！
對毛孔管理一直好有要求嘅EVER，採用來自濟洲島嘅火山泥，含有三十幾種豐富嘅礦物元素及生物活性效應嘅稀土元素！具有超強吸附能力，可以有效吸走油脂、粉刺、黑頭，同時收緊毛孔及肌膚！仲可以化解表皮黑色素，幫手吸埋個光澤感出嚟！而且仲不含任何化學添加劑，出事機會可以話係218「五個零」！
嗱！見大家都血氣方剛，額頭爆瘡！我就講個好消息過你知！本身我額頭有粒瘡谷下谷下仲痛痛地，做完呢個火山泥第二日就開始收皮唔痛！皮膚亦有短暫光澤咗！最中意係佢慢慢風乾果種收緊感覺，好似連水腫都收咗少少！你以為個泥會風乾就搞到塊面都乾埋？事實係佢補濕度已拋離inn甩sfree 幾十條街！做完仲tun到污糟嘢出鼻頭，拎支黑頭捧輕手推一推，見到啲黑頭白頭出晒嚟！Woo～勁爽皮囉！
Search